တစ်ဦးကိုတစ်ဦး ချစ်ကြတဲ့ ``သံယောဇဉ်ဆိုတာ´´ ကြင်နာတတ်သောနှလုံးသားတွေရှိမှသာ ချစ်နိုင်ကြတာဖြစ်သောကြောင့် မိမိတို့၏ ချစ်ခြင်းမေတ္တာတွေကို တစ်ဦးကိုတစ်ဦး အပြန်အလှန်မေးခွန်းလေး တွေနှင့်မေတ္တာစစ်နဲ့ ချစ်မှာလားလို့ မေးလိုက်ကြရင် ချစ်သူတို့နှစ်ဦးအတွက် အကောင်းဆုံးသော မေးခွန်းလေးတွေဖြစ်လာမှာပါ လောကထဲမှာ ရှိကြတဲ့လူသားတွေ အားလုံးဟာ အချစ်နဲ့မကင်းကြပါဘူး ချစ်ခြင်းတရားတွေကို နားလည်တတ်ကြပြီဆိုရင်တော့ အဲဒီချစ်သူစုံတွဲလေးတွေဟာ မေတ္တာခရီးကို လျှောက်လှမ်းကြတဲ့အခါမှာတော့ နားလည်ခြင်း သည်းခံခြင်း ခွင့်လွှတ်ခြင်းတရားတွေက အကောင်းဆုံးသော အဖြေတစ်ခုကို ရလဒ်ကောင်းတွေအဖြစ် ဖော်ဆောင်ပေးနိုင်ပါလိမ့်မည်။
*******************************
အပြစ်ကင်းတဲ့ အဖြူရောင်နှလုံးသားကို ရောင်စုံတွေချယ်သပေးနိုင်တဲ့ အချစ်လို့ခေါ်တဲ့
ပန်းချီဆရာလက်ထဲကို အပ်လိုက်ရင် ကြင်နာမှုအပြည့်ရှိတဲ့ ပန်းချီဆရာက အဖြူရောင်နှလုံးသား စာမျက်နှာပေါ်မှာ ချစ်စရာကောင်းတဲ့ အချစ်ပန်းကလေးတွေပွင့်အောင် အကြင်နာလက်ကလေးနဲ့ တစ်ချက်လောက်ငဲ့စောင်းပြီး ရေးခြစ်လိုက်ရုံဖြင့် စွဲမက်စရာကောင်းလောက်အောင် အချစ်ဆိုတဲ့ ရောင်စုံပန်းချီကားလေး တစ်ချပ်ကို ပုံဖော်ရေးဆွဲ ပြနိုင်တာက သူ့နှလုံးသားမှာ`` မေတ္တာစစ်နဲ့ ချစ်တတ်တယ်´´ဆိုတာကို ပြသနေတာပေါ့။အဲဒီလိုပဲ တစ်ဦးကိုတစ်ဦး ချစ်ခင်ကြင်နာမှုတွေ ပေးနေသော ချစ်သူတို့နှစ်ဦးကလည်း မိမိတို့ ရဲ့ မေတ္တာခရီးမှာ အပြစ်ရှာပြီးတော့သွားနေမယ်ဆိုရင်တော့ ချစ်ခြင်းတရားတွေက အပြစ်ကင်းသွားမှာတော့မဟုတ်ပါဘူး။အပြစ်ကင်းတဲ့ ချစ်ခြင်းတရားတွေဖြစ်လာအောင်
ကြိုးစားကြမယ်ဆိုရင် အချစ်ဆိုတဲ့ နိယာမတရားပေါ်မှာ အပြစ်ရှာခြင်းလို့ခေါ်တဲ့ ဒေါသဥပဒေကိုလည်း မထားပါနှင့်။တစ်ဦးနှင့်တစ်ဦး အပြစ်ပုံချခြင်း မာနလို့ခေါ်တဲ့ ရှေ့နေကိုလည်း မငှားလိုက်ကြပါနှင့်။
***********************************အပြစ်မြင်လို့ မချစ်ချင်ကြတော့တဲ့ အခါမှာပဲဖြစ်ဖြစ် မချစ်ချင်လို့ အပြစ်မြင်ကြတဲ့အခါမှာပဲဖြစ်ဖြစ် တစ်ယောက်နှင့်တစ်ယောက် မုန်းသွားကြပြီဆိုတဲ့ ``အမုန်းလက်နက်´´ တရားသူကြီးရဲ့ အမိန့်ချတာကိုလည်း မခံလိုက်ကြပါနှင့်။အပြစ်မြင်တတ်တဲ့ နှလုံးသားရှိသူတွေအနေနဲ့ မချစ်ခင်ကတည်းက ကြိုတင်ပြီးတော့ မိမိရဲ့ နှလုံးသားကို ဆန်းစစ်လိုက်ပါ ၊ ငါ့နှလုံးသားက အပြစ်ကင်းတဲ့ ချစ်ခြင်းတရားတွေ ရှိနေသော နှလုံးသားပိုင်ရှင်မှ ဟုတ်ကောဟုတ်ပါ့မလား တကယ်တမ်းလည်း ငါ့နှလုံးသားက အပြစ်မရှာပဲ အနှစ်ပါတဲ့ ချစ်ခြင်းတွေကို ပေးစွမ်းနိုင်ပါ့မလားဆိုတာကို ဆန်းစစ်ပြီး ငါဟာ ``မေတ္တာစစ်နဲ့ချစ်လို့မှဟုတ်ရဲ့လား´´ ။
ချစ်သူများနေ့မှာချစ်သူတိုင်းအပြစ်ကင်းတဲ့ ချစ်ခြင်းလေးတွေကို ပိုင်ဆိုင်နိုင်ကြပါစေ
********************************************************** လှိုက်လှဲစွာ ကြိုဆိုပါတယ် မိတ်ဆွေ...
No comments:
Post a Comment
မိတ်ဆွေတို့ စကားသံက ကျတော်အတွက် အားဆေးတစ်ခွက်ပါ။