လှပသော ခန္ဓာကိုယ် ထိန်းသိမ်းဖို့ ၆ချက်

’မိမိတို့ နေ့စဉ် စားနေကျ ထမင်းဖြူ၊ ပါမုန့်ဖြူ၊ သကြားလုံး၊ ဆိုဒါ၊ အချိုရည် တွေဟာ ခဏအတွင်းမှာ အစားကို အလွယ်ခြေနိုင်တာမို့ အချိန်တိုအတွင်းမှာပဲ ပြန်ဆာလောင်စေပါတယ်။ ထို့ပြင် အာဟာရ အရမ်းမများပဲ၊ ကယ်လိုလီအများဆုံး ပါဝင်တာမို့ ခန္ဓာကိုယ် ပိုမိုဝစေပါတယ်။ ဒါကြောင့် အစာခြေဖို့ မလွယ်တဲ့ ပါမုန့်ညှိ၊ ဆန်လုံးညှိ၊ ပဲ၊ ပဲသီး နှင့် ဟင်းသီးဟင်းရွက်တွေကို များများစားပေးမယ်ဆိုရင် ကျန်မာရေးနဲ့လည်း ညီညွှတ်ပြီ ကယ်လိုလီနည်းနည်း ပါဝင်သည်မို့ ခန္ဓာကိုယ်ကို သွယ်လျ လှပစေပါတယ်။ ထို့ပြင် လှပသော ခန္ဓာကိုယ်ကို အမြဲထိန်းသိမ်းနိုင်ဖို့ လှိုဝှက်ချက် ၆ချက်ရှိပါတယ်။
၁။ မနက်စာ မှန်မှန်စားပါ

- မနက်စာ မှန်မှန်စားပါ။ မနက်စာ နွားနို့၊ ပါမုန့်ညှိ၊ သစ်သီး၊ ကောက်ပဲသီးနှံ တွေ စားပေးပါ။ မနက်စာ စားခြင်းဖြင့် မှတ်ဥာဏ် ပွင့်လင့်ခြင်း၊ တနေကုန် အလုပ်လုပ်နိုင်ခြင်း စသည့်အကျိုးကျေးဇူး တွေရှိပါတယ်။ အထူးသဖြင့် ကလေးတွေမှာ မနက်မစားပဲ ကျောင်းသွားမယ်ဆိုလျှင် တခြားကလေးတွေထက် အတန်းထဲမှာ စာမလိုက်တာတွေ ကြုံတွေ့လာနိုင်ပါတယ်။

၂။ နေ့လည်စာ ပရိုတင်းနဲ့ ကာဖိုဟိုက်ဒိတ် ညီမျှအောင် စားပေးပါ

- ၀ိတ်ချတဲ့ အချိန်မှာ နေ့လည်စာကို ကာဖိုဟိုက်ဒိတ် နဲ့ ပရိုတင်းဓာတ်တို့ ညီမျှ စားပေးဖို့ လိုပါလိမ့်မယ်။ ဒါကြောင့် နေ့လည်စာကို ပရိုတင်းဓာတ်များသော အသား၊ ငါး၊ ပဲ၊ နွားနို့၊ ကြက်ဥ တို့ကို စားပေးပါ။ ထို့ပြင် ကာဖိုဟိုက်ဒိတ်ဖြစ်တဲ့ ပါမုန့်ညှိ၊ သစ်သီး၊ ဟင်းသီးဟင်းရွက်တွေကိုပါ တွဲဖက် စားသုံးပေးပါ။

၃။ ညနေစာကို ပုံမှန်နဲ့ ဖြည်းဖြည်း စားပါ

- ညနေစာကို အများကြီး မစားပါနဲ့၊ ဖြည်းဖြည်းစားပါ။ ထို့ပြင် ပန်းကန်ကို အကြီးနဲ့ စားမယ့်အစား အရွယ်အစား သေးတဲ့ ပန်းကန်နဲ့ စားခြင်းဖြင့် ညနေစာကို အများကြီး မစားဖြစ်တော့ပါဘူး။

၎။ အစာပြေလေးတွေ ရံခါ စားပေးပါ

- တခါတလေ မနက်စာ (သို့) နေ့လည် မစားဖြစ်တဲ့ အခါ ဆာလောင်တဲ့ဒဏ်ကို ခံနိုင်အောင် အစာပြေ snack လေးတွေ ဖြစ်တဲ့ သစ်သီးဖျော်ရည်၊ ချိစ်၊ ဒိန်ချဉ်၊ အသီးဆလတ်သုတ်၊ အာလူးကင် တို့ကို စားသုံးပေးပါ။ ဒီလို snack တွေစားလို့ မ၀စေပါဘူး။ သင်ရဲ့ တစ်နေ့တာ ကုန်ဆုံးသွားတဲ့ စွမ်းအားတွေကို ပြန်ဖြည့်ပေးပါတယ်။

၅။ တနေ့ ၃ကြိမ်မှ ၄ကြိမ်စားပါ

- တခါတည်းနဲ့ အများကြီး စားမယ့်အစား နည်းနည်းနဲ့ တနေ့မှာ ၃ကြိမ်မှ ၄ကြိမ် ခွဲစားပေးပါ။

၆။ အချိုနဲ့ ကဖိန်းများတဲ့ အစားအသောက်တွေကို မစားပါနှင့်

- ချောကလက်၊ ဆိုဒါတွေက သင်ကုန်ဆုံးသွားတဲ့ စွမ်းအင်တွေကို ပြန်ရအောင် မကူညီပေးနိုင်သလို၊ သင်ခန္ဓာကိုယ်ကို ပိုဝစေပါတယ်။ ဒါကြောင့် အချိုကို တတ်နိုင်သလောက် မစားပဲ၊ ရံဖန်ရံခါမှ စားသင့်ပါတယ်။ ထို့ပြင် ကဖိန်းပါတဲ့ ကော်ဖီ၊ လဘက်ရည်တို့ကိုလည်း အလွန်အကျွန် မသောက်သုံးသင့်ပါဘူး။

ဘာသာပြန် - Wutyee Food House

ထမင်းစားပြီးလျှင် ရှောင်ကြဉ်သင့်သော အချက်များ

မြန်မာလူမျိုးတို့၏ အဓိကအစားအစာမှာ ထမင်းဖြစ်ပြီး နေ့စဉ်စားနေကြသည်ဖြစ်ရာ
ထမင်းစားပြီးလျှင် ရှောင်ကြဉ်သင့်သော အချက်(၇)ချက်ကို
ကျန်းမာရေးအသိရှိစေရန် ဖော်ပြလိုက်ရပါသည်။
 (၁) ဆေးလိပ်မသောက်ပါနှင့်
 ကျွမ်းကျင်သူများ၏ လေ့လာသုတေသနပြုချက်များအရ
ထမင်းစားပြီး စီးကရက်တစ်လိပ်သောက်ခြင်းသည်
သာမာန်အချိန် စီးကရက် ဆယ်လိပ်သောက်ခြင်းနဲ့ ညီမျှပြီး
ကင်ဆာရောဂါဖြစ်ပွားရန် အခွင့်လမ်းအများဆုံးဖြစ်ကြောင်း သိရှိရသည်။
 (၂) သစ်သီးများကိုချက်ချင်း မစားပါနှင့်
 ထမင်းစားပြီးလျှင် သစ်သီးများကို ချက်ချင်းစားခြင်းသည် အစာအိမ် လေခံစေသည်။
ထို့ကြောင့် သစ်သီးများ စားသုံးမည်ဆိုပါက
ထမင်းစားပြီး တစ်နာရီ(သို့) နှစ်နာရီအကြာနှင့်
ထမ်းမစားမီ တစ်နာရီအလိုတွင်သာ စားသုံးသင့်သည်။
 (၃)လက်ဖက်ရည်မသောက်ပါနှင့်
 လက်ဖက်ရွက်တွင် အက်ဆစ်ပါဝင်မှုနှုန်းမြင့်မားပြီး
၎င်းသည် ကျွန်ုပ်တို့စားသုံးလိုက်သော အစာအိမ်ရှိ ပရိုတိန်းဓာတ်များကို
မာကျောစေသည့်အတွတ် အစာချေရန် အခက်အခဲဖြစ်စေသည်။
 (၄) သင်း၏ခါးပတ်ကို မဖြည်လိုက်ပါနှင့်
 ထမင်းစားပြီး ခါးပတ်ကိုဖြည်လိုက်ခြင်း (တစ်နည်းအနည်းငယ်လျှော့လိုက်ခြင်း)သည်
ဝမ်းအတွင်းရှိ အူကိုခေါက်စေသည်။
 (၅) ရေမချိုးပါနှင့်
 ထမင်းစားပြီးရေချိုးခြင်းသည်
လက်များ၊ ခြေထောက်များနှင့် ခန္ဒာကိုယ်များသို့သွားသော သွေးပမာဏကို
တိုးပွားစေပြီး အစာအိမ်တစ်ဝိုက်တွင်မှု သွေးပမာဏ လျော့ကျသွားသည့်အတွက်
ကျွန်တော်တို့ အစာအိမ်ရှိ အစာချေ စနစ်ကို အားနည်းသွားစေသည်။
 (၆) လမ်းမလျှောက်ပါနှင့်
 လူအများကပြောနေကြသည်မှာ
ထမင်းစားပြီး ခြေလှမ်း တစ်လှမ်း လမ်းလျှောက်ခြင်းသည်
သာမာန်အချိန် ခြေလှမ်းပေါင်းတစ်ရာ လမ်းလျှောက်ခြင်းနှင့်ညီမျှပြီး
အသက်(၉၉) နှစ်အထိ အသက်ရှည်ရှည်နေရမည် ဖြစ်ကြောင်း
ပြောဆိုကြသည်ကို ကြားဖူးပါသည်။
တစ်ကယ်တော့ ထိုသို့ပြုလုပ်ခြင်းကြောင့် အစာချေစနစ်သည်
ကျွန်ုပ်တို့စားသုံးလိုက်သော အစာအေဟာရများကို စုပ်ယူရန် အခက်ခဲဖြစ်သွားပါသည်။
ထို့ကြောင့် ထမင်းစားပြီးလမ်းမလျှောက်ပါနှင့်။
 (၇) ချက်ချင်းမအိပ်ပါနှင့်
 ထမင်းစားပြီး ချက်ချင်းအိပ်လိုက်ခြင်းကြောင့်
ကျွန်ုပ်တို့ စားသုံးလိုက်သော အစာများသည် ကောင်းစွာ အစာမကျေနိုင်တော့ပေ။

အသက်ကြီးခြင်းနဲ့ ပတ်သက်၍ အမျိုးသမီးများ အကြောက်ဆုံး အရာ ငါးမျိုး

ကမ္ဘာပေါ်မှာရှိတဲ့ အမျိုးသမီး အများစုဟာ အမျိုးသားတွေထက် ပိုပြီး အသက်ကြီးမှာကို ကြောက်ရွံ့တတ်ကြပါတယ်။  အမျိုးသမီးတွေ အနေနဲ့ ဘယ်လို အကြောင်းတွေကြောင့် အသက်ကြီးမှာကို ပိုမို ကြောက်ရွံ့တယ် ဆိုတာကို သိနိုင်ဖို့ အသက်ကြီးတာနဲ့ ပတ်သက်ပြီး အမျိုးသမီးတွေ အဓိက ကြောက်ရွံ့တတ်ကြတဲ့ အကြောင်းတွေကို လေ့လာမှုတွေက အောက်ပါအတိုင်း ဖော်ပြပေးထားပါတယ်။

 ၁) ဆွဲဆောင်မှု မရှိတော့မှာ ကြောက်တယ်

မျက်နှာပေါ်မှာ အရေးကြောင်းတွေ ပေါ်လာမှာ၊ ဆံပင်တွေ ဖြူလာမှာ၊ ဗိုက်ကြီးပူတာ လျော့မသွားတော့မှာ၊  အသားအရေ ခြောက်သွေ့သွားမှာ၊ ကိုယ်အလေးချိန် မြင့်တက်လာမှာ ... စတာတွေကို စိုးရွံ့နေတာကြောင့် အမျိုးသမီး အများစုဟာ အသက် ကြီးလာမှာကို ကြောက်ရွံ့တတ်ကြပါတယ်။ ဒီလို အသက်ကြီးတာနဲ့ အတူတွဲပြီး ဖြစ်ပေါ်လာတဲ့ ပြောင်းလဲမှုတွေဟာ ဆွဲဆောင်မှုကိုလည်း လျော့ပါးသွားစေနိုင်ပါတယ်။ တချို့ အမျိုးသမီးတွေကတော့ နားမကြားတာကြောင့် နားအကူ ကိရိယာ တပ်ရမှာ၊ လမ်းလျှောက်တုတ်အကူ ဆောင်ရမှာ၊ မသွားနိုင် မလာနိုင် ဖြစ်လာတော့မှာ . . စတာတွေကိုပါ ကြောက်ရွံ့တာကြောင့် အသက်ကြီးမှာကို စိုးရွံ့နေတတ်တာပါ။

ကြောက်ရွံ့မှု ကင်းအောင်

ကိုယ့်ကိုယ်ကိုယ် ဂရုစိုက်ပါ။ တခြားသူတွေရဲ့ အမြင်ကို မထိန်းချုပ်နိုင်ပေမယ့် ကိုယ့်ရဲ့ ရုပ်နဲ့ စိတ်ကို လှပ တင့်တယ်အောင် ပြင်ဆင်ဖို့က သင့်အပေါ်မှာ အများကြီး မူတည်နေပါတယ်။ အိပ်ရေးဝဝ အိပ်တာ၊ အစားအသောက်ကို ကျန်းမာရေးနဲ့အညီ စားတာ၊ လေ့ကျင့်ခန်း လုပ်တာ၊ ရယ်မောတာနဲ့ လူမှုရေး ဝင်ဆန့်အောင် နေထိုင်တာတွေဟာ သင့်ကို အသက်ကြီးလာပေမယ့် တင့်တယ် လှပနေအောင် ပံ့ပိုးပေးနိုင်တဲ့ အချက်တွေပဲ ဖြစ်ပါတယ်။

၂) တစ်ယောက်တည်း ကျန်ခဲ့မှာကို ကြောက်တယ်

အိမ်ထောင်ဖက် သေဆုံးတာဟာ အမျိုးသမီးတွေရဲ့ ကြောက်ရွံ့မှုမှာ ထိပ်တန်းက ပါဝင်နေပါတယ်။ အိမ်ထောင်ဖက် သေဆုံးပြီး တစ်ယောက်တည်း ကလေးတွေနဲ့ ကျန်ခဲ့တဲ့အခါ အထီးကျန်တဲ့ ဝေဒနာကို ရရှိတတ်ပါတယ်။ အဲဒီအချိန်မှာ လူတွေနဲ့ မဆက်ဆံဘဲ တစ်ယောက်တည်း နေရင် ပိုပြီး နာကျင်ရတတ်ပါတယ်။

ကြောက်ရွံ့မှု ကင်းအောင်

တစ်ယောက်တည်း ကျန်ခဲ့ရင် ဆိုတဲ့ အတွေးဟာ ဘဝကို ဆက်လျှောက်ဖို့ ကြမ်းတမ်း ခက်ခဲတတ်ပါတယ်။ ဒါကြောင့် တတ်နိုင်သမျှ လူတွေနဲ့ ပေါင်းသင်း နေထိုင်ကာ လူမှုရေး ဝင်ဆံ့အောင် ကြိုးစားပေးပါ။

၃) ငွေတွေကို လုယက်မှာ ကြောက်တယ်

အမျိုးသားတွေက အသက်ကြီးလာလေလေ၊ စီးပွားရေး တောင့်တင်းပြီး ငွေကြေး ချမ်းသာလာလေလေ၊ လူတွေကြား ဝင်ဆံ့ကာ လုံခြုံမှု ရှိလေလေပါပဲ။ အမျိုးသမီးတွေကတော့ ငွေတွေ ပိုချမ်းသာလေလေ၊ အနားကပ်လာတဲ့ သူတွေကို သံသယစိတ်နဲ့ စောင့်ကြည့်ရလေလေ ပါပဲ။ အထူးသဖြင့် တစ်ကိုယ်တည်း နေသူတွေနဲ့ မုဆိုးမတွေဟာ ငွေပုံပေါ်မှာ ထိုင်ရင်း မိတ်ဆွေစစ်နဲ့ အတုကို ခွဲခြားရ ခက်ခဲတတ်ပါတယ်။

ကြောက်ရွံ့မှု ကင်းအောင်

ငွေတွေကို စနစ်တကျ စီမံခန့်ခွဲ ထိန်းသိမ်းတတ်အောင် ကြိုးစားပါ။ အဲဒီလို လုပ်ဆောင်တတ်တဲ့ အမျိုးသမီးတွေဟာ အသက် ဘယ်လောက်ငယ်ငယ် စိုးရွံ့စိတ် မရှိတတ်ကြပါဘူး။

၎) ကင်ဆာဖြစ်မှာ ကြောက်တယ်

ကင်ဆာ အထူးသဖြင့် ရင်သားကင်ဆာဟာ အမျိုးသမီးတွေ ဖြစ်မှာကြောက်တဲ့ ကင်ဆာရောဂါ တစ်မျိုးပါ။ ရင်သားကင်ဆာက အဖြစ်များပေမယ့် အဆုတ်ကင်ဆာဟာ ရင်သားကင်ဆာထက် အမျိုးသမီး အများစုကို သေဆုံးစေနိုင်ခြေ နှစ်ဆ ပိုများပါတယ်။

ကြောက်ရွံ့မှု ကင်းအောင်

ကင်ဆာရောဂါဖြစ်ရင် သေနိုင်တယ်ဆိုတဲ့ အသိကြောင့် ထိတ်လန့်နေကြတာပါ။ တကယ်တော့ ကင်ဆာရောဂါ အများစုဟာ စောစောသိရင် စောစော ကုသ ပျောက်ကင်းနိုင်ပါတယ်။ ကင်ဆာမဖြစ်အောင် ကျန်းမာရေးနဲ့ ညီညွတ်တဲ့ ဘဝ နေထိုင် စားသောက်မှု ပုံစံကို လိုက်နာတာ၊ ပုံမှန် ကျန်းမာရေး စစ်ဆေးမှုကို ခံယူတာတွေကို လုပ်ဆောင်ပေးပါ။

၅) တခြားသူအပေါ် မှီခိုနေရမှာ ကြောက်တယ်

မျိုးသားရော အမျိုးသမီးပါ သူတစ်ပါးအပေါ် ဝန်ထုပ်ဝန်ပိုး ဖြစ်နေမှာကို စိုးရိမ်တတ်ကြကြောင်း လေ့လာမှု တစ်ရပ်အရ သိရပါတယ်။ အမျိုးသမီးတွေကတော့ သူတို့ အသက်ကြီးလာတဲ့ အခါမှာ အရွယ်ရောက် ကလေးတွေနဲ့ သူတို့ရဲ့ မိသားစုဘဝကို အနှောင့်အယှက် မဖြစ်လိုကြပါဘူး။

ကြောက်ရွံ့မှု ကင်းအောင်

ရှေ့ရေးကို ကြိုတွေးထားပါ။ သူတစ်ပါးအတွက် ဝန်ထုပ်ဝန်ပိုး မဖြစ်လိုတဲ့ အမျိုးသမီးတွေဟာ ကိုယ့်ကျန်းမာရေး အတွက်ပါ စုဆောင်းထားပါ။ နေထိုင်မယ့် နေရာအတွက် ကြိုတင် ပြင်ဆင်ထားပါ။    

 ဇွန်ခိုင်ဦး (ဆေးဝါးတက္ကသိုလ်)
 Ref: Good health

--
╔╗
║║╔═╦╦╦═╗
║╚╣║║║║╩╣
╚═╩═╩═╩═╝

....(¯`v´¯)
..... ·.¸.·´
...¸.·´
.. (
☻/
/▌
/ \


(^_^)