ဝက်သားဆာတေးကို အိမ်မှာ လုပ်စားချင်သူတွေ အတွက် ၀က်သားဆာတေးမွှေးမွှေးလေးပါ။ လုပ်စားကြည့်ကြပါအုန်းနော်….
ဝက်သားကို နုပ်ထားရန် ပါဝင်သောပစ္စည်းများ
၁။ ၀က်သား – ၂၀ ကျပ်သား (၁ပေခွဲ အရှည်ပါးပါးလှီးပါ)
၂။ ဆနွင်းမှုန့် (Turmeric Powder) – စားပွဲတင်ဇွန်း တ၀က်
၃။ နတ်နတ်ပွင့် (Star anise) – ၂ခု
၎။ နံနံစေ့မှုန့် (Coriander Powder) – လက်ဖက်ရည်ဇွန်း ၄ပုံ၁ပုံ
၅။ ပဒယ်ဂေါ (Galangal Root)- ၁ခု (အစောင်းလှီးပါ)
၆။ သကြား – စားပွဲတင်ဇွန်း ၂ဇွန်း
၇။ ဆား ၊ ကြက်သားမှုန့် – လက်ဖက်ရည်ဇွန်း ၂ဇွန်း
၈။ ငရုတ်ကောင်းမှုန့် – လက်ဖက်ရည်ဇွန်း ၃ပုံ၁ပုံ
ဆာတေးဆော့ တွင် ပါဝင်သောပစ္စည်းများ
၁။ ငရုတ်သီးခြောက်အနီ – ၄ထောင့် (ငရုတ်ဆုံထဲထည့်ပြီး ကြေညက်နေအောင် ထောင်းပေးပါ)
၂။ ငရုတ်သီးနီ – ၂ထောင့် (ငရုတ်ဆုံထဲထည့်ပြီး ကြေညက်နေအောင် ထောင်းပေးပါ)
၃။ မြေပဲ – စားပွဲတင်ဇွန်း ၂ဇွန်း (မညက်တညက် ထောင်းပေးပါ)
၎။ ကြက်သွန်ဖြူ – ၄မွှာ (ထောင်းပေးပါ)
၅။ Cream (သို့) ခရင်းမှုန့် – စားပွဲတင်ဇွန်း ၃ဇွန်း (ရေနွေး စားပွဲတင်ဇွန်း ၂ဇွန်းထည့်ဖျော်ပေးပါ)
၆။ အုန်းနို့မှုန့် (Coconut Cream) – စားပွဲတင်ဇွန်း တ၀က်
၇။ ရေ – စားပွဲတင်ဇွန်း ၃ဇွန်း
၈။ သကြား – လက်ဖက်ရည်ဇွန်း ၄ဇွန်း
၉။ ဆား – လက်ဖက်ရည်ဇွန်း တ၀က်
၁၀။ ငရုတ်ကောင်းမှုန့် – လက်ဖက်ရည်ဇွန်း ၃ပုံ၁ပုံ
ဝက်ဆားတေးကင် ပြုလုပ်နည်း
၁။ ပါးပါးလှီးထားသော ၀က်သား များကို ဇောက်ခွက်တစ်ခုထဲ ထည့်ပြီး နုပ်ထားရန် ပါဝင်သောပစ္စည်း (ဆနွင်းမှုန့်၊ နတ်နတ်ပွင့်၊ နံနံစေ့မှုန့်၊ ပဒယ်ဂေါ၊ သကြား၊ ဆား၊ ကြက်သားမှုန့်) အားလုံးကို ထည့်၍ သမအောင် ရောနယ်လိုက်ပါ။
၂။ ပြီးလျှင် အနည်းဆုံး ၂နာရီခန့် ရေခဲသေတ္တာထဲထည့်၍ နုပ်ထားပေးပါ။
၃။ ၀က်သားကို နုပ်ထားစဉ် ဆော့ကို ပြုလုပ်ပေးပါ။
၎။ ဆော့အရည်ပြုလုပ်နည်းတွင် ပါဝင်သော ပစ္စည်းများ အားလုံး( ငရုတ်သီးခြောက်၊ ငရုတ်သီးနီ၊ မြေပဲ၊ ကြက်သွန်ဖြူ၊ ခရင်း၊ အုန်းနို့မှုန့်၊ ရေ၊ သကြား၊ ဆား၊ ငရုတ်ကောင်းမှုန့် )ကို ခွက်တစ်ခုထဲ ထည့်ပြီး ရောနယ်လိုက်ပါ။
၅။ နုပ်ထားပြီး ၂နာရီကြာလျှင် ၀က်သားကို တုတ်ဖြင့် ထိုးပြီး သီထားပေးပါ။
၆။ ပြီးလျှင် မီးအလယ်လတ်ဖြင့် ၀က်သား များကို ကင်ပေးပါ။
၇။ ၀က်သားကင်ပြီးလျှင် ဆာတေးဆော့ဖြင့် တွဲဖက်၍ ၀က်သားဆာတေးကို စားသုံးနိုင်ပါပြီး….
No comments:
Post a Comment
မိတ်ဆွေတို့ စကားသံက ကျတော်အတွက် အားဆေးတစ်ခွက်ပါ။