အခုပြောပြမယ့် လျှိုဝှက်ချက်တွေက ကိုယ့်ကိုယ်ကို အမြဲယုံကြည်မှု့ရှိစေမှာပါ။
၁။ ကိုယ့်ရဲ့ခန္ဓာကိုယ်ပေါ်မှာရှိတဲ့အရာအားလုံးဟာ သူများနဲ့မတူ တမူထူးခြားနေတယ်ဆိုတာ သိထားပါ။
ကိုယ့်မျက်ခွံတွေက ငိုက်စင်းနေမယ်။ကိုယ့်နှာခေါင်းက မှိုပွင့်တစ်ပွင့်နဲ့တူနေမယ်၊ ဒါမှမဟုတ် ကိုယ့်ဒူးခေါင်းတွေက ရယ်စရာဖြစ်နေမယ်ဆိုရင်လည်း ဘာဖြစ်လဲ။ အဲဒါတွေက ကိုယ့်ကို သူမျာနဲ့မတူစေပဲ တမူထူးခြားစေတယ်လေ။
၂။ ကျန်းမာရေးကိုပဲအဓိကထားပါလေ့ကျင့်ခန်းပုံမှန်လုပ်ပြီး အစာကို ဂရုတစိုက်စားဖို့လိုအပ်ပါတယ်။ ဒါမှကျန်းမာသန်စွမ်းတဲ့ ခန္ဓာကိုယ်ကို ပိုင်ဆိုင်မှာပေါ့။ဒါပေမယ့် အစာအငတ်ခံတာ ကိုယ်ကာယလေ့ကျင့်ခန်းလုပ်ဖို့ ကိုယ်ကိုယ်ကို ဖိအားပေးတာတွေဟာ ကျန်းမာလှပတဲ့ ခန္ဓာကိုယ်တခုဘယ်လိုမှမရနိုင်ပါဘူး။
၃။ ကိုယ့်ရဲ့ အလှပဆုံးနေရာကိုပြလိုက်ပါ။ကိုယ်ခန္ဓာကိုယ်မှာ ကိုယ်အကြိုက်ဆုံးနေရာတခုရှိရင် အဲဒါကို လူတွေမြင်အောင်ပြလိုက်စမ်းပါ။နေလောင်ကွက်ရှိနေလား အဲဒါတွေကို ဖုံးကွယ်မနေပါနဲ့။
ကိုယ့်ရဲ့ သန်မာတဲ့ လက်မောင်းတွေကိုသဘောကျရင် လက်ပြတ်အင်္ကျီဝတ်လိုက်ပါ။စိတ်ကျေနပ်သဘောကျနေရင် ကိုယ့်ကိုယ်ကို ယုံကြည်မှု့များစွားတိုးပွားစေပါတယ်။
၎။ ခန္ဓာကိုယ်နဲ့ပတ်သတ်တဲ့ဘ၀င်မကျမှုတွေကို အနိုင်ယူကျော်လွှားလိုက်ပါ။ကိုယ့်ခန္ဓာကိုယ်ကို ကိုယ်စိတ်တိုင်းမကျတဲ့ရက်တွေ ရှိနေပါလိမ့်မယ်။အစာစားတာကို မထိန်းချုပ်နိုင်လို့ လေ့ကျင့်ခန်းလုပ်ဖို့ အချိန်မရှိလို့ စသဖြင့် ဘယ်လိုအကြောင်းပြချက်ကြောင့်ပဲဖြစ်ဖြစ် စိတ်ညစ်မနေပါနဲ့။အဲဒီအတွက် ကိုယ့်စိတ်ကိုယ်ညှင်းဆဲပြီး အရာရာကို အဆိုးမြင်နေစရာမလိုပါဘူး။ကိုယ့်ရဲ့ခံစားချက်ကို လက်ခံလိုက်ပါ။
ပြီးတော့ အချိန်တန်ရင်ပြီးသွားမှာပဲဆိုတာ သိထားပါ။
၅။ ပျော်ရွှင်မှုဆိုတာ ရုပ်ပိုင်းနဲ့မဆိုင်ဘူးဆိုတာ အမြဲသတိရပါ။စိတ်ကျေနပ်မှု့ရှိစေဖို့ ကိုယ့်ကိုယ်ကို ပိုကြည့်ကောင်းအောင်လုပ်ချင်လုပ်ပါ။ဒါပေမယ့် ကိုယ့်ခန္ဓာကိုယ်နဲ့ အသွင်ပြင်အပေါ်အစွဲအလမ်းကြီးလွန်းပြီး တခြားသူတွေနဲ့ နှိုင်းယှဉ်နေမယ်ဆိုရင်ကိုယ့်ကိုယ်ကို ယုံကြည်မှု့ပျောက်အောင်လုပ်တာနဲ့အတူတူပါပဲ။
ကိုယ့်ရဲ့ အသွင်ပြင်က ကိုယ့်ကိုပိုမိုပျော်ရွှင်အောင်လုပ်နိုင်လားဆိုတာ ကိုယ့်ကိုယ်ကိုပြန်မေးကြည့်လိုက်ပါ
၆။ သဘာဝကပေးတဲ့ ရုပ်ခန္ဓာနဲ့ကျေနပ်ပါ။လူသိများကျော်ကြားတဲ့ သူတဦးဦးနဲ့ တူချင်လွန်းလို့ မျက်နှာကို ခွဲစိတ်ပြုပြင်တာဟာသဘာဝမကျသလို အစာအငတ်ခံပြီးပိန်ချုံးအောင်လုပ်နေတာလဲနေမကောင်းနေတဲ့သူလို့ လူတွေထင်ကြပါလိမ့်မယ်။မော်ဒယ်တွေနဲ့ နာမည်ကြီးသရုပ်ဆောင်တွေဟာအဲဒီအသွင်ပြင်ကြောင့် ငွေတွေအများကြီးရတယ်ဆိုတာ သိထားပါ။ ပြီးတော့ သူတို့အားလုံးဟာကျန်းမာတဲ့သူတွေမဖြစ်နိုင်ပါဘူး။
ဒါ့ပြင် မကြာခဏဆိုသလို မဂ္ဂဇင်းတွေထဲမှာ ကိုယ်မြင်နေရတဲ့ရုပ်ပုံတွေကအဲဒီသရုပ်ဆောင်မော်ဒယ်တွေရဲ့ အပြင်ပုံစံအတိုင်းမဟုတ်ပါဘူး။သဘာဝက ပေးတဲ့ ခန္ဓာကိုယ်တွေဟာ ပုံစံ အရွယ်စားမျိုးစုံရှိပါတယ်။
အားလုံးပျော်ရွှင်နိုင်ပါစေ
ခင်မင်လျက်
လဲ့
No comments:
Post a Comment
မိတ်ဆွေတို့ စကားသံက ကျတော်အတွက် အားဆေးတစ်ခွက်ပါ။