********************************************************** လှိုက်လှဲစွာ ကြိုဆိုပါတယ် မိတ်ဆွေ...
Monday, 12 November 2012
...ငါလွမ်းနေပါတယ်....
ချစ်သူရေ.....
တမ်းတလို့လွမ်းလိုက်မိတိုင်းမှာဖြင့်
အသည်းခိုက်အောင်နာကျည်းလှသူမို့
တကိုယ်တည်းပဲနေတော့မှာပါ......
တွယ်တာသူလှယမင်းကိုမှ
ရင်ထဲမှာကတော့ထာဝရ မင်းပါ.......
နေ့ရက်တွေကအလီလီ
ရာသီတွေဘယ်လောက်ပင်ပြောင်းစေဦးတော့
မဟောင်းနိုင်တဲ့ရင်ခွင်
တွယ်ငင်နေတဲ့အနမ်းပန်း
မောင်မလှမ်းဝံ့တော့ပါဘူးလေ.......
မင်းပေးခဲ့တဲ့နှလုံးသားရဲ့တစုံတရာ
စေစားခဲ့မိတာက အမုန်းပန်းတစ်ခက်
ရတက်ပွေစွာနဲ့ဆွတ်ခူး
အမုန်းဖူးကိုမှဦးတည်
နှလုံးသားတည့်တည့်ကိုမှချိန်ခွင်း
ပစ်လွှတ်လိုက်တဲ့မင်းရဲ့အမုန်းမြားရဲ့အရှိန်
ထိချက်ကတော့နာလှပါတယ်ကွယ်......
ပကာသနကိုလည်းမခုံမင်
မာနတွေကိုလည်းမတွယ်တာတဲ့သူမို့
ချစ်သူရယ်.....
ကွယ်ရာကပဲလွမ်းပါ့မယ်........
တနေ့နေ့တချိန်ချိန်
ဒီအချိန်ကိုပြန်ရောက်ပြီဆိုရင်ဖြင့်
နင်မမေ့ဘူးဆိုတဲ့အသိ ငါ့ရင်ထဲမှာရှိနေပြီလေ......
တနေ့နေ့တချိန်ချိန်
ဒီအချိန်ကိုပြန်ရောက်ပြီဆိုရင်ဖြင့်
ငါမမေ့သေးဘူးဆိုတဲ့အသိ နင့်ရင်ထဲမှာရှိနေရင်ကိုပဲ
ငါကျေနပ်နေမှာပါ
ဒီလောက်ဆိုကျေနပ်ပါတော့ရယ်လို့
ဖွဲ့နွဲ့ကာမရေးချတတ်သူမို့
ချစ်သူရယ်.....
မနေ့ကလိုပဲလွမ်းပါတယ်.......။ ။
Subscribe to:
Post Comments (Atom)
No comments:
Post a Comment
မိတ်ဆွေတို့ စကားသံက ကျတော်အတွက် အားဆေးတစ်ခွက်ပါ။